राष्ट्रपतिले सर्वसाधारणलाई दसै‌ंको टीका नलगाइदिने


हरेकपल October 23, 2020

राष्ट्रपति विद्यादेवी भण्डारीले यस वर्षकाे दशैंमा सर्वसाधारणलाई टीका लगाउने कार्यक्रम स्थगित गरिएकाे छ ।

राष्ट्रपति कार्यालयले शुक्रबार सूचना जारी गरी कोरोना महामारीका कारण राष्ट्रपतिले टीका लगाइदिने कार्यक्रम नहुने जानकारी गराएको छ ।

त्यस्तै यस वर्ष दसैंको महाअष्टमी र कोजाग्रत पूर्णिमाको दिन राष्ट्रपति भण्डारी शक्तिपीठको दर्शनका लागि नजाने राष्ट्रपति कार्यालयका सहायक प्रवक्ता केशवप्रसाद घिमिरेले जानकारी दिएका छन् ।