कक्षा १२ को परीक्षाफल आइतबारसम्म


हरेकपल January 27, 2021

काठमाडौं। राष्ट्रिय परीक्षा बोर्डले सञ्चालन गरेको कक्षा १२ को परीक्षाफल आइतबारसम्म सार्वजनिक गर्ने भएको छ।

गत मंसिर १६ गते परीक्षा सम्पन्न भएकामा नतिजा सार्वजनिक गर्न ढिलाइ भएको गुनासो आएको थियो । परीक्षाको एक महिनाभित्रै नतीजा प्रकाशन गर्ने भने पनि बोर्डले सार्वजनिक गर्न सकेको छैन ।

बोर्डका सदस्य सचिव दुर्गाप्रसाद अर्यालले परीक्षार्थीको डाटा रुजुमा थप समय लागेकाले ढिलाई भएको बताए । आगामी आइतबारसम्म नतीजा सार्वजनिक गर्ने उनको भनाइ छ। परीक्षा बोर्डले यसअघि माघ १० गतेभित्र नतिजा सार्वजनिक गर्ने जनाएको थियो ।

त्रिभुवन विश्वविद्यालयले स्नातक तहमा भर्ना आह्वान गरिसक्दा पनि कक्षा १२ को नतिजा सार्वजनिक नहुँदा विद्यार्थीहरु अन्योलमा छन्।