साफ च्याम्पियनसिप फुटबलः उपाधिका लागि नेपाल र बङ्गलादेश भिड्ने


हरेकपल September 17, 2022

काठमाडौं । महिला साफ च्याम्पियनसिप फुटबलको उपाधिका लागि नेपाल र बङ्गलादेशबीच प्रतिस्पर्धा हुने भएको छ । नेपाल र बङ्गलादेशबीचको उपाधि खेल सोमवार हुनेछ । महिला साफ च्याम्पियनसिपले यसपटक नयाँ च्याम्पियन टोली पनि पाउने भएको छ । हालसम्म नेपाल र बङ्गलादेशले उपाधि उचालेका छैनन् ।

हिजो भएको दोस्रो सेमिफाइनल खेलमा साविक विजेता भारतमाथि १–० को जित निकाल्दै नेपाल फाइनलमा प्रवेश गरेको हो । महिला साफको इतिहासमा भारतमाथि नेपालको यो पहिलो ऐतिहासिक जित हो । यस अघि नेपालले महिला साफमा भारतलाई हराउँन सकेको थिएन । बङ्गलादेश, हिजोको पहिलो सेमिफाइनल खेलमा भुटानलाई ८–० ले हराएर फाइनलमा प्रवेश गरेको हो ।