पत्रकार पुडासैनीकी श्रीमतीद्वारा रवि लामिछानेलगायत तीनजनािवरुद्ध किटानी जाहेरी


हरेकपल August 18, 2019

काठमाडौँं– केहीदिनअघि चितवनमा आत्महत्या गरेका पत्रकार शालिकराम पुडासैनीकी श्रीमती सम्झनाले पतिकाे आत्महत्यामा दुरुत्साहन गरेकाे आराेपमा तीनजनाविरुद्ध किटानी जाहेरी दिएकी छिन् ।

सम्झनाले सीधा कुरा जनतासँगका कार्यक्रम प्रस्तोता रवि लामिछाने, युवराज कँडेल र अस्मिता कार्कीविरूद्ध किटानी जाहेरी दिएकी हुन् ।

सम्झनाले काठमाडौं प्रहरी परिसर, टेकुमार्फत जिल्ला प्रहरी कार्यालय, चितवनमा किटानी जाहेरी दिएका हुन् । तीनैजनाविरुद्ध आत्महत्याका लागि दुरुत्साहन गरेकाे आराेप लगाउँदै हदैसम्मको कारबाही माग गरिएकाे छ ।

महानगरीय प्रहरी परिसर काठमाडौंका अनुसार जाहेरी रुजुपछि जिल्ला प्रहरी कार्यालय चितवन पठाउने तयारी भइरहेको छ । प्रहरीले लामिछानेसहित तीनैजनालाइ पक्राउ गरी जिल्ला प्रहरी कार्यालय चितवनमा थुनामा राखेर अनुसन्धान गरिहेको छ ।