आज आइतवार, कस्ता कार्यका निम्ति शुभ रहनेछ ? हेर्नुहोस् आजको दिन २०७६ पौष २७ गते


हरेकपल January 12, 2020

श्रीगणेशायनमः ।। आज विक्रम संवत् २०७६ साल पौष महिनाको २७ गते तदनुसार ईशवीय सन् २०२० अन्तर्गत जनवरी महिनाको १२ तारिख, आइतवार हो । सृष्टिदेखि हालसम्म १,९५,५८,८५१२०(एक अर्व, पञ्चानब्बे करोड अन्नठानब्बे लाख पचासीहजार १२०) वर्ष व्यतित भइसकेका छन् । कलिकालको ५१२० औँ वर्षअन्तर्गत श्रीशालिवाहनीय शाके १९४१, तथा नेपाल संवत् ११४० अन्तर्गत परिधावी नामको संवत्सर चलिरहेको छ ।


सूर्य दक्षिणायनमा छन् । हेमन्तऋतुअन्तर्गत माघकृष्णपक्षको द्वितीया तिथि राति १०।१७ बजेसम्म रहनेछ । यो महिनाका देवता नारायण र मासदेवी लक्ष्मी हुन् । सूर्य र बृहस्पति धनु राशिमा रहेका छन् । तिष्य नक्षत्र दिवा १।५४ बजेसम्म रहनेछन् । यसैगरी आज विष्कुम्भादिमा विष्कुम्भ योग, आन्दादिमा श्रीवत्स योग र तैतिल करण रहेका छन् । आज काठमाडौँमा सूर्योदय ६।५८ मा छ भने सूर्यास्त बेलुका ५।२६ बजे हुनेछ ।


चन्द्रमा आज कर्कट राशिमा रहनेछन् । आज आइतवार सूर्य भगवान्को उपासनाका साथै आदित्यहृदयस्तोत्र पाठ शुभ रहनेछ । यसैगरी प्रातः कालमा सूर्यलाई अर्घदान गर्नाले पनि सूर्यजन्य दोष निवारण हुनेछन् ।

उपप्राध्यापक नारायणप्रसाद निरौला
ज्योतिषाचार्य, वास्तुविद्