श्रीगणेशायनमः ।। आज विक्रम संवत् २०७६ साल फाल्गुन महिनाको २९ गते तदनुसार ईशवीय सन् २०२० अन्तर्गत मार्च महिनाको १२ तारिख, बिहीवार हो । सृष्टिदेखि हालसम्म १,९५,५८,८५१२०(एक अर्व, पञ्चानब्बे करोड अन्नठाउन्न लाख पचासीहजार १२०) वर्ष व्यतीत भइसकेका छन् । कलिकालको ५१२० औँ वर्षअन्तर्गत श्रीशालिवाहनीय शाके १९४१, तथा नेपाल संवत् ११४० अन्तर्गत परिधावी नामको संवत्सर चलिरहेको छ ।
सूर्य उत्तरायणमा छन् । शिशिर ऋतुअन्तर्गत चैत्र कृष्णपक्षको तृतीया तिथि बेलुका ४।४६ बजेसम्म रहनेछ । यो महिनाका देवता गोविन्द र मासदेवी धात्री हुन् । सूर्य कुम्भ राशिमा र बृहस्पति धनु राशिमा रहेका छन् । चित्रा नक्षत्र राति ९।५ बजेसम्म रहनेछन् । यसैगरी आज बृद्धि योग र बब करण रहेका छन् । आज सूर्योदय बिहान ६।१९ मा छ भने सूर्यास्त बेलुका ६।१० बजे हुनेछ । चन्द्रमा आज कन्या राशिमा छन् ।
आज बिहीवार दुर्गा भगवतीको उपासना लाभदायी रहनेछ । यसैगरी आज दिवा ४।४६ बजेसम्म भद्रा पनि रहनेछन् ।
